फिल्म । हलिउडमा सुपरहिरो फिल्म बनाइरहेको डिसीले वन्डर वुमन’ को नयाँ सिरिज १९८४ को शुटिङ्ग सकिएको छ । फिल्मकी लिड एक्ट्रेस गल ग्याडटले इन्स्टाग्राम फोटो शेयर गर्दै फिल्मको शुटिङ सकिएको जनाएकी छिन । उनले फिल्मसँग जोडिएको कास्ट एण्ड क्रुलाई धन्यवाद समेत दिएकी छिन । तिन देशको चार लोकेसनमा यसलाई एक हजार भन्दा बढी क्रु लिएर शुटिङ गरिएको समेत उनले लेखेकी छिन । ‘हामीले फिल्मलाई युनिक र स्पेसल बनाउन गरेको कोसिस सफल भएको छु’ ग्याडट लेख्छिन् ‘यसलाई दर्शकसँग साट्न निकै उत्साहित छु ।’
उनले फिल्मकी निर्देशक प्याटी जेन्किंसलाई समेत धन्यवाद दिएकी छिन । ‘मैले प्याटी जस्तो निर्देशक पाए , जो सधै मसँगै थिइन्’ ग्याडटले भावनात्मक हुदै धन्यवाद दिएकी थिइन् । ३३ वर्षीय ग्याडट सन् २००४ मा मिस इजरायल समेत भैसकेकी छिन भने उनि सन् २०१७ मा रिलिज भएको फिल्म ‘वन्डर वुमन’ को भूमिकामा पहिलो पटक देखा परिन भने त्यहि वर्ष उनि जस्टिस लिगमा पनि उक्त भूमिकामा देखा परेकी थिइन् ।
ग्याडट सन् २००९ मा रिलिज भएको फिल्म ‘फास्ट एण्ड फ्युरियस’ मार्फत अभिनयमा उदाएकी थिइन् । त्यस यता उनि फास्ट एण्ड फ्युरियस सिरिज , डे एण्ड नाइट , ब्याटम्यान भर्सेस सुपरम्यान : डाउन जस्टिस , क्रिमिनल लगायतका फिल्म मार्फत चर्चामा छिन । ‘वन्डर वुमन १९८४’ सन् २०२० को जुन ५ मा रिलिज हुनेछ ।
