फिल्म । झन्डै १८ वर्ष पुरानो ‘कल्ट क्लासिक’ फिल्म ‘भागम भाग’को सिक्वेल बन्ने भएको छ । ‘भागम भाग’ सन् २००६ मा रिलिज भएको थियो । ३२ करोड भारुमा बनेको फिल्मले ६७ करोड कमाउँदै सुपरहिटको मान्यता पाएको थियो । अक्षय कुमार, गोविन्दा र परेश रावलको मुख्य भूमिका रहेको फिल्ममा उनीहरुको केमेस्ट्री गजब जमेको थियो । यसलाई बलिउडको एउटा यादगार कमेडी फिल्म मानिन्छ । प्रियदर्शनले फिल्मको निर्देशन गरेका हुन् ।
आगामी वर्ष (२०२५)को मध्यबाट छायांकन गर्ने गरी अहिले स्क्रिप्ट लेखनको काम भइरहेको निर्माण कम्पनी रोअरिङ रिवर प्रोडक्सनकी सरिता अश्विन वर्देले जनाएकी छन् । फिल्ममा कलाकार र निर्देशक निश्चित नभइसकेकाता पनि शीर्ष भूमिकामा अक्षय, गोविन्दा र परेश नै दोहोरिने सम्भावना रहेको भारतीय मिडियाले उल्लेख गरेका छन् ।
कमेन्ट गर्नुहोस्
