संगीत । गायक युवराज चौलागाईंले नयाँ गीत मार्फत दर्शकसामु आएका छन् । उनले आफ्नै स्वर तथा संगीतमा ‘घुरघुर’ बोलको गीत लिएर आएका हुन् । गीतमा शब्द रचना कौशिला खनाल कर्माचार्यको छ । वैदेशिक रोजगारीका लागि गाउँ छोडेको एक युवकको कथा भन्ने गीतको भिडियोमा युवराज स्वयम् फिचर्ड छन् ।
परिवारको आर्थिक उन्नययनको सपना बोकेर वैदेशिक रोजगारीका लागि घरपरिवार छोडेर हिँडेका नेपाली युवा कसरी आफ्नो सपनासँगै शरीरसमेत गुमाउन वाद्य छन् , भन्ने यथार्थलाई गीतको भिडियोमा देखाइएको छ । भिडियोमा युवराजलाई अभिनेत्री वर्षा राउतले साथ दिएकी छिन् । धिरजजंग शाहले खिचेको भिडियो सम्पादन विकाश धमलाले गरेका छन् । भिडियो निर्देशन निकेश खड्काले गरेका छन् ।
कमेन्ट गर्नुहोस्
